विप्लव नेतृत्वको नेकपा निर्वाचनविरुद्ध लाग्ने, विरोधी कार्यक्रमको घोषणा

काठमाडौं। विप्लव नेतृत्वको नेकपाले निर्वाचन विरोधी कार्यक्रमको घोषणा गरेको छ। मंगलबार राजधानीमा पत्रकार सम्मेलन गरेर सो पार्टीले चुनाव विरोधी प्रचारात्मक कार्यक्रमको घोषणा गरेको हो।

पार्टीले चुनाव विरोधी प्रचारात्मक कार्यक्रमको घोषणा गर्ने र राज्यले दमन गरेमा उचित प्रतिरोध गर्ने घोषणा गरेको हो। त्यस्तै, पार्टीले मंसिर ४ गतेको संघ र प्रदेशको निर्वाचनलाई पार्टीले सशक्त प्रकारले खारेज गर्ने निर्णय गरेको छ।

खारेज अभियानलाई प्रभावकारी बनाउन देशव्यापी रुपमा चुनावको भण्डाफोर, वालिङ, पर्चा वितरण, जुलुस र सभाहरूको व्यापक आयोजना गर्ने नेकपाको निर्णय छ। यसबाहेक जनतालाई चुनावमा भाग नलिन अपिल गर्ने निर्णय समेत गरेको छ।

प्रतिक्रिया दिनुहोस

Please enter your comment!
Please enter your name here