ट्रक दुर्घटनमा चालकको मृत्यु, सहचालक घाइते

२९ साउन, कैलाली ।

जिल्लामा ट्रक दुर्घटना हुँदा चालकको मृत्यु भएको छ ।

धनगढीबाट डडेल्धुरातर्फ गइरहेको से १ ख ८५१ नम्बरको ट्रक बिहीबार साँझतिर गोदावरीमा दुर्घटना हुँदा चालक ३५ वर्षीय रामसिंह महराको मृत्यु भएको प्रहरीले जनाएको छ ।

उनी बैतडीको सिगास गाउँपालिका–९ बचपानीका वासिन्दा हुन् ।

दुर्घटनामा गम्भीर घाइते भएका महराको उपचारका क्रममा बिहीबार राति सेती प्रादेशिक अस्पतालमा मृत्यु भएको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ ।

बैतडीकै सुर्नया गाउँपालिका–५ का पंकज मडै दुर्घटनामा सामान्य घाइते भएका छन् । उनी ट्रकका सहचालक हुन् ।

प्रतिक्रिया दिनुहोस

Please enter your comment!
Please enter your name here