२२ साउन, काठमाडौं
पुँजी बजारमा नकारात्मक प्रभाव नपर्ने गरी मौद्रिक नीति तर्जुमा गर्न संसदीय समितिले केन्द्रीय बैंकलाई निर्देशन दिएको छ ।
संसद्को अर्थ समितिको शुक्रबार बसेको बैठकले समग्र अर्थतन्त्रका विषयमा विभिन्न १७ वटा बुँदामा सुझाव तथा निर्देशन दिएको हो । समितिले पूर्वअर्थमन्त्रीहरु डा. बाबुराम भट्टराई, सुरेन्द्र पाण्डे तथा वर्षमान पुन लगायतको धारणा सुनेपछि यस्तो निर्देशन दिएको हो ।
‘मौद्रिक नीतिमा गरिने व्यवस्थाले पुँजी बजारको विकास र स्थायित्वमा प्रतिकूल प्रभाव नपर्ने गरी नीतिगत प्रबन्ध गर्ने’ समितिले भनेको छ । केन्द्रीय बैंकले आगामी साता मौद्रिक नीति ल्याउने तयारी गरिरहेको छ ।
