१३ साउन, काठमाडौं
धितोपत्र बजारमा सेयर कारोवार मापक नेप्से परिसूचकले आजपनि रेकर्ड कायम गरेको छ । बुधबार १५ अंकले बढेर नेप्से अहिलेसम्मकै उच्च विन्दुमा पुगेको हो ।
नेप्से १५.३० अंकले बढेर ३०९४.९५ बिन्दुमा उक्लिएको छ । समग्रमा नेप्से ०.५० प्रतिशतले बढेको हो । क बर्गका कम्पनीहरुको कारोवार मापक सेन्सेटीभ इन्डेक्स पनि ०.०२ अंकले बढेर ५७४.३२ बिन्दुमा पुगेको छ ।
अघिल्ला दिनको तुलनामा कारोवार रकम भने घटेको छ । २१९ कम्पनीको १३ अर्ब २९ करोड १९ लाख ५४ हजारको कारोवार भएको छ । २ करोड ८१ लाख ७० हजार १७२ कित्ता शेयर खरिदबीक्रि भएका छन् ।
मंगलबार नेप्से २९.२४ अंकले बढेको थियो भने १५ अर्बमाथीको कारोवार भएको थियो ।
