१२ साउन, काठमाडौं
गण्डकी र लुम्बिनीका प्रदेश प्रमुख फेरिएका छन्। सरकारको सिफारिसमा राष्ट्रपति विद्यादेवी भण्डारीले दुवै प्रदेशका प्रमुखलाई पदमुक्त गरी नयाँ नियुक्ती गरेकी हुन्।
राष्ट्रपति भण्डारीले गण्डकी प्रदेश प्रमुखका चितवनका पृथ्वीमान गुरुङ र लुम्बिनी प्रदेश प्रमुखमा चितवनकै अमिक शेरचनलाई नियुक्त गरेको राष्ट्रपति कार्यालयले जनाएको छ।
गुरुङ नेपाली कांग्रेस र शेरचन नेकपा माओवादी केन्द्रका हुन् ।
यसअघि मंगलबार नै राष्ट्रपति भण्डारीले केपी ओली सरकारले नियुक्त गरेका गण्डकीका प्रदेश प्रमुख सिताकुमारी पौडेल र लुम्बिनीका प्रदेश प्रमुख धर्मनाथ यादवलाई पदमुक्त गरेकी थिइन्।
शेरबहादुर देउवा नेतृत्वको सरकार गठन भएसँगै सबै प्रदेशका प्रमुख फेर्ने तयारी गरिएको छ । दुई नम्बर प्रदेशको प्रमुख जनता समाजवादी पार्टीले पाउने संभवान छ।
यस विषयमा बुधबार बस्ने कार्यकारिणी समितिले निर्णय गर्ने नेता मोहम्मद इस्तियार राईले जानकारी दिए।
