११ साउन, काठमाडौं
निर्वाचन आयोगले जनता समाजवादी पार्टी जसपाको आधिकारिकता अध्यक्ष उपेन्द्र यादव समूहलाई प्रदान गरेको छ ।
आयोगले आज ५१ कार्यकारिणी सदस्यहरुको हेड काउन्ट गरेपछि दुई तिहाई बहुमत प्राप्त उपेन्द्र यादव समूहलाई आधिकारिकता प्रदान गरेको हो ।
आयोगले आधिकारिकताको विवाद टुंगो लगाउन जसपाको कार्यकारिणी समितिका ५१ सदस्यहरुलाई उपस्थित हुन आदेश दिएको थियो ।
आयोग पुगेका ३४ जना सदस्यले यादवको पक्षमा मत दिएका छन् भने अर्का अध्यक्ष महन्थ ठाकुर समूहमा १६ जना मात्रै उभिए । निलम्बित सांसद रेशम चौधरी तटस्थ बसे ।
आधिकारिकता प्राप्त गरेपछि पार्टीबाट विभाजन नभएर केही व्यक्ति निस्केको नेता महेन्द्र राय यादवले बताए । हामीले ४ जनालाई यसअघि नै कारबाही गरिसकेका छौँ । त्यहीअनुसार पार्टी अगाडि बढ्छ’ उनले भने ।
