९ साउन, काठमाडौं
बर्दियामा खोलामा नुहाउन गएका तीनजना बेपत्ता भएका छन् ।
प्रहरीका अनुसार गेरुवा गाउँपालिका–६ का १४ वर्षीय सञ्जीव विक, उनकी बहिनी ८ बर्षीया दिलमाया र २५ वर्षीया लालसा चौधरी वेपत्ता भएका जिल्ला प्रहरी प्रमुख प्रहरी उपरीक्षक ईश्वर कार्कीले जानकारी दिए ।
प्रहरी उपरिक्षक कार्कीका अनुसार दाजुबहिनी कर्णाली नदीको सैजनाघाटमा नुहाउने क्रममा र लालसा राजापुर–५ स्थित बूढी खोलामा नुहाउन गएका थिए । बेपत्ता तीनै जनाको खोजी भइरहेको छ ।
उनीहरुको खोजीका लागि नेपाल प्रहरी, सशस्त्र प्रहरी बल र स्थानीयवासी लागे पनि फेला नपरेको कार्कीले जानकारी दिए ।
