६ साउन, काठमाडौं
राष्ट्रिय प्रजातन्त्र पार्टी (राप्रपा) का अध्यक्ष डा. प्रकाशचन्द्र लोहनीले संसदमा गुण र दोषका आधारमा समर्थन या बिरोध गर्ने बताएका छन् ।
सामाजिक सञ्जाल ट्वीटरमार्फत लोहनीले प्रधानमन्त्री शेरबहादुर देउवाले विश्वास मत लिंदा आफ्नो पार्टी तटस्थ बस्नुको नीति प्रष्ट पारेका हुन् । असार २९ गते संसदमा प्रधानमन्त्री देउवाले विश्वासको मत लिने क्रममा राप्रपाका एकमात्र सांसद राजेन्द्र लिङदेन तटस्थ बसेका थिए ।
‘कुनै दलप्रति पनि आग्रह या पूर्वाग्रह नराखेर राप्रपाले संसदमा गुण–दोषको आधारमा समर्थन या बिरोध गर्छ’ अध्यक्ष लाेहनीले भनेका छन् ।
राप्रपा कुनैपनि दलको पुच्छर भएर नजाने उनले बताएका छन् ।
‘राप्रपा प्रजातन्त्रमा दलहरु बलियो हुनुपर्छ भन्ने मान्यता राख्दछ । तर कुनैपनि दलको पुच्छर भएर जाँदैन, अध्यक्ष लोहनीले लेखेका छन्–यही मान्यता अनुरुप संसदमा बिश्वासको मतदान हुँदा राप्रपा तटस्थ रह्यो ।’
रा प्र पा प्रजातन्त्रमा दलहरु बलियोहुनुपर्छ भन्ने मान्यताराख्तछ तर रा.प्र.पा कुनैपनि दलको पुच्छर भएरजादैन यहि मान्यताअनुरुप संसदमा बिस्वासको मतदानहुदा रा प्रा पा तटस्थ रहयोकुनै दलप्रतिपनि आग्रहया पूर्वाग्रह नराखेर रा प्रा पा ले संसदमा गुण -दोष कोआधारमा समर्थन या बिरोध गर्नेछ
— Dr. Prakash C Lohani (@PCLohani) July 21, 2021
