हाइटिका राष्ट्रपति निवास सुरक्षा प्रमुख पक्राउ

२ साउन, काठमाडौं ।

हाइटीको राष्ट्रपति निवासका सुरक्षा प्रमुखलाई प्रहरीले पक्राउ गरेको जनाएको छ । अन्तरराष्ट्रिय सञ्चारमाध्यमका अनुसार उनलाई थुनामा राखेर अनुसन्धान भइरहेको छ ।

हाइटीका राष्ट्रपति जोभेनेल मोइसको हत्या घटनाका बारेमा छानविन तथा अनुसन्धान गर्न उनलाई नियन्त्रणमा लिइएको स्थानीय सुरक्षा अधिकारीहरुको भनाइ छ ।

राष्ट्रपति कार्यालयका सुरक्षा प्रमुख डिमित्री केरार्जलाई सुरक्षा अधिकारीहरुले घटनाका बारेमा विभिन्न दृष्टीकोणबाट प्रश्नहरु गरेको जनाइएको छ ।

घटनाका बारेमा अनुसन्धान गर्न प्रहरीले गुप्तचर निकाय र अनुसन्धान निकायसँग समन्वय गरिरहेको पनि प्रहरी अधिकारीहरुले जानकारी दिएका छन् ।

राष्ट्रपति मोइसको गत हप्ता निवासमै गोली प्रहार गरी हत्या भएको थियो । राष्ट्रपतिको हत्या गर्नेहरुले उनकी पत्नीलाई घाइते समेत बनाएका छन् । जसको उपचार हाल अमेरिकास्थित एक अस्पतालमा भइरहेको छ ।

प्रहरीले घटनामा दोषी भएको आशंकामा २८ जनालाई नियन्त्रणमा लिएको छ । उनीहरुबाट विभिन्न प्रमाण र आधारहरु भेटिँदै गएको प्रहरीले जनाएको छ ।

यद्यपि यी प्रमाण के हुन् भन्ने विषयमा प्रहरीले खुलाएको छैन । (एजेन्सी)

प्रतिक्रिया दिनुहोस

Please enter your comment!
Please enter your name here