जन्मिनेबित्तिकै छोरीको हत्या गर्ने आमाबुवासहित ४ जना प्रहरी नियन्त्रणमा

३० असार, विराटनगर ।

मोरङको रंगेलीमा शिशु हत्याको आरोपमा एकै परिवारका चार जनालाई प्रहरीले पक्राउ गरेको छ ।

सोमबार राति जन्मिएकी छोरीको हत्या गरी पसलभित्र गाडेको आरोपमा शिशुको आमा र बाबुसहित चार जनालाई पक्राउ गरेको हो ।

मोरङको रङ्गेली नगरपालिका–५ आँपगाछीकी २५ कि खुश्बु मण्डलले सोमबार राति करिब ८ बजे घरमै छोरी जन्माएकी थिइन् ।

खुश्बुका बुबा आमाले सञ्चालन गर्दै आएको मदिरा पसल भित्र शिशुको शव गाडेको अवस्थामा भेटिएको जिल्ला प्रहरी कार्यालय मोरङका डिएसपी दीपक श्रेष्ठले जानकारी दिए । खुश्बुको घर र मदिरा पसल करिब पाँच सय मिटरको दूरीमा छ ।

घटना लुकाउन श्रीमान, र आमाबुबाको हात देखिएको प्रहरीको दाबी छ । इलाका प्रहरी कार्यालय रङ्गेलीले खुश्बु, उनका श्रीमान अरुण मण्डल, खुश्बुका बुवा नागेश्वर मण्डल र आमा उर्मिला मण्डल पक्राउ परेका छन् ।

पक्राउ परेका चारै जनालाई कर्तब्य ज्यान मुद्दामा म्याद थप गरी अनुसन्धान सुरु गरेको उनले बताए ।

प्रतिक्रिया दिनुहोस

Please enter your comment!
Please enter your name here