२९ असार, काठमाडौं ।
नेपाली कांग्रेसका सभापति शेरबहादुर देउवा प्रधानमन्त्री नियुक्त भएका छन्।
राष्ट्रपति विद्यादेवी भण्डारीले मंगलबार संविधानको धारा ७६ (५) अनुसार देउवालाई राष्ट्रपतिले प्रधानमन्त्री पदमा नियुक्त गरेकी हुन् ।
यससँगै देउवा पाँचाै पटक मुलुककाे प्रधानमन्त्री बनेका छन् ।
नवनियुक्त प्रधानमन्त्री देउवाले आजै शपथ लिने कार्यक्रम पनि रहेको राष्ट्रपति कार्यालयले जनाएको छ । राष्ट्रपति कार्यालयमा प्रधानमन्त्रीको शपथ ग्रहणका लागि आवश्यक तयारी भइरहेको छ ।
यसअघि सोमबार सर्वोच्च अदालतले प्रतिनिधिसभा पुनर्स्थापना गर्दै कांग्रेस सभापति देउवालाई प्रधानमन्त्री नियुक्त गर्न परमादेश जारी गरेको थियो ।
