निरज यादव/प्रदेशपालिका
२० जेठ, सर्लाही ।
खाडलमा जमेको पानीमा डुब्दा जिल्लामा एक बालकको मृत्यु भएको छ । ईट्टाभट्टाले खनेको खाडलमा जमेको पानीमा डुबेर १० वर्षिय रजनिसको मृत्यु भएको होे ।
कबिलासी नगरपालिका–७ स्थित लालबाबु रायको भट्टाले खनेको खाडलमा डुब्दा बाख्रा चराउन गएका ती बालकको मृत्यु भएको जिल्ला प्रहरी कार्यालयले जनाएको छ । बुधबार दिउँसो नुहाउन भनी ती बालक खाडलमा जमेको पानीमा पसेका थिए ।
सोही क्रममा कबिलासी नगरपालिका–५ रनिया निवासी मनोज कुमार मण्डलको छोरा रजनिश मृत्यु भएको हो । घटनाबारे थप अनुसन्धान भईरहेको प्रहरीले जनाएको छ ।
