३० वैशाख, काठमाडौं ।
भारतमा पछिल्लो २४ घण्टामा कोरोना महामारीले चार हजार भन्दा धेरै मानिसको ज्यान लिएको छ ।
भारतको स्वास्थ्य मन्त्रालयका अनुसार हिजो तीन लाख ६२ हजार भन्दा धेरै संक्रमित थपिएका छन् । यसैगरी संक्रमणबाट चार हजार एक सय २० जनाको ज्यान गएको छ । सो अवधिमा तीन लाख ५२ हजार मानिस संक्रमणमुक्त भइ घर फर्किएका छन् ।
भारतमा हाल सक्रिय संक्रमितको संख्या ३७ लाख भन्दा बढि रहेको छ भने कोभिड–१९ का कारण दुई लाख ५८ हजार भन्दा बढीले ज्यान गुमाइसकेका छन् । यसैगरी दुई करोड ३७ लाख भन्दा धेरै संक्रमित भएको तथ्यांक छ ।
भारतमा १७ करोड ७२ लाख भन्दा धेरैले कोरोना भाइरसविरुद्धको खोपको कम्तीमा एक मात्रा लगाएका छन् । (एजेन्सीको सहयोगमा)
